საპარლამენტო უმრავლესობის წევრი გივი მიქანაძე ჟურნალისტებთან კომენტარს აკეთებს ოპოზიციურ პარტიებს შორის დაპირისპირებაზე და პოლიტიკურ შეფასებას აკეთებს პარტია ,,დროას“ ლიდერის ელენე ხოშტარიას მიერ სოციალურ ქსელში გამოქვეყნებულ პოსტთან დაკავშირებით:
,,ვხედავთ, რომ ,,დროას“ ლიდერიც დღეს გამოესარჩლა დავით კეზერაშვილს. ის არ კმარობს იმ მილიონებს, რომელსაც რუსეთისგან მისი ოჯახი დაფინანსების სახით იღებს. აღმოჩნდა, რომ ასე ვთქვათ – ის უკვე ღიად და აშკარად აცხადებს იმის თაობაზე, რომ კეზერაშვილი მისი, მისი პარტიის დამფინანსებელი არის.
ეს კიდევ ერთხელ მეტყველებს იმაზე, რომ ,,ნაციონალური მოძრაობა“ არის განშტოებული სხვადასხვა რაღაც შენაერთებად, არის ერთმანეთს შორის დაპირისპირება.
როგორც კი საკითხი შეეხო ფინანსურ ნაწილს, პოზიციები გამოიკვეთა – ვინ იყო კეზერაშვილის დაფინანსებული და ვინ არ იყო…“, – განაცხადა გივი მიქანაძემ.
ინფორმაციისთვის: პარტია ,,დროას“ დამფუძნებელი ელენე ხოშტარია ფეისბუქის პირად გვერდზე თავდაცვის ყოფილ მინისტრთან დავით კეზერაშვილთან პარტნიორობის თაობაზე ინფორმაციას აქვეყნებს და აცხადებს, რომ “6 თვეა დავით კეზერაშვილის და მისი ცოლის დაფინანსებით ვინახავთ უკრაინელებს“.
ავტორი
ნინი ხიჯაკაძე
