მედიაჰოლდინგ “ქრონიკა +”-ის დამფუძნებელი, ელისო კილაძე სოციალურ ქსელში გამოქვეყნებულ პოსტში ე.წ. “რევოლუციურ სცენარზე” საუბრობს და კრიტიკულ შეფასებებს აკეთებს კონკრეტულ მომენტებთან თუ პიროვნებებთან მიმართებაში:
“სცენარი იყო შემდეგი:
სოსო გოგაშვილი ტოვებდა ქვეყანას, ითხოვდა პოლიტიკურ თავშესაფარს და იწყებდა”მხილების” კამპანიას.
საქართველოში კეზერაშვილი იწყებდა საპროტესტო ტალღის დაფინანსებას და ვადამდელი არჩევნების მოთხოვნას.
ფიქრობდნენ, რომ გოგაშვილის მხილებას ქუჩაში აღშფოთებული ხალხის გამოვარდნა მოყვებოდა.
ამ სცენარის ავტორებს ვურჩევ – უზნაძის განწყობის თეორია წაიკითხონ.
ქვეყანაში, სადაც მხილებაზე გიჟდებიან, მორალურად დაზიანებული ადამიანი (ამ შემთხვევაში გოგაშვილი) თანაგრძნობას ვერ მოიპოვებს.
რევოლუციას მიშასნაირი ლიდერი სჭირდება! ამ როლისთვის არც ხაბეიშვილი გამოდგება და არც ჰელენ ხოშტარია.
და ვინც არ იცით, გეტყვით რომ არსებობს კიდევ ერთი ნო – ვინ როდის გარიგდება “ოცნებასთან” არშემდგარი რევოლუციის ორგკომიდან, კაცმა არ იცის!
“ოცნება” აუცილებლად დამარცხდება, მაგრამ მას წესიერი ადამიანები დაამარცხებენ და არა ვაჭრები.
p.s. ეს ყველაფერი ეთერიდან რომ არ მომეყოლა თქვენთვის, იმიტომ ვარ ეკრანებიდან მოხსნილი…
როცა მთა არ მიდის მუჰამედთან, მუჰამედი მიდის მთასთან. მგონი ის დროა, ტელევიზია გავაკეთო,” – წერს ფეისბუქის პირად გვერდზე ელისო კილაძე.
