საქართველოს ეროვნული ნაკრები დღეს გიბრალტარში გაემგზავრა, სადაც მათ ნაკრებთან 26 სექტემბერს ჯგუფის ბოლო შეხვედრა გაიმართება. გუშინ ჩრდილოეთ მაკედონიის ნაკრები საქართველომ ანგარიშით 2:0 დაამარცხა, რის შემდეგაც საქართველოს ნაკრებმა 5 ტურში 13 ქულა დააგროვა და ჯგუფში პირველი ადგილი მოიპოვა. თამაშის დეტალებზე კომენტარი გააკეთა ფეხბურთელმა ხვიჩა კვარაცხელიამ:
,,მიუხედავად იმისა, რომ ოფიციალურად მოვიპოვეთ პირველი ადგილი გიბრალტარში მივდივართ მოსაგებად. იმიტომ, რომ გვინდა მოგებით დავასრულოთ ჩვენი კარგი თამაშები.
თამაშს რაც შეეხება – ცოტა რთული თამაში იყო. ხარისხით შეიძლება ისეთი არ იყო, მაგრამ გამარჯვება მოვიპოვეთ, ჩვენ მიზანს მივაღწიეთ. ჩემი აზრით, ყველა კმაყოფილია ამ შედეგით”, – განაცხადა ხვიჩა კვარაცხელიამ
ინფორმაციისთვის: გუშინ საქართველოსა და ჩრდილოეთ მაკედონიას შორის საფეხბურთო მატჩი გაიმართა. თამაშის პირველ ნახევარში საქართველოს ნაკრების ფეხბურთელმა ხვიჩა კვარაცხელიამ სტუმარი გუნდის მოთამაშეს ბურთი საკუთარ კარში გაატანინა, ხოლო მეორე ტაიმში კი კვარაცხელიას საგოლე პასი ბუდუ ზივზივაძემ ჩააწოდა.
ავტორი
ნინი ხიჯაკაძე
