პარტია “სტრატეგია აღმაშენებლის” თავმჯდომარე განმარტებებს აკეთებს საპარლამენტო ოპოზიციისა და სამოქალაქო სექტორის მიერ ევროკომისიის რეკომენდაციების შესრულების მიზნით ჩატარებულ სამუშაოებთან დაკავშირებით და მიღებული კომპრომისული გადაწყვეტილების თაობაზე:
“სრულიად ოპოზიციამ გამოვაქვეყნეთ დოკუმენტი, რომელშიც, ყველამ ერთად, ვაჩვენეთ თუ როგორ შეუძლია ოპოზიციას წავიდეს კომპრომისზე.
თქვენ შეგიძლიათ ნახოთ სამოქალაქო სექტორთან შეთანხმებული ყველა საკითხი, აი ეს არის ინკლუზიურობა და გახსნილობა. ასევე შეგიძლიათ ნახოთ ის დამატებითი საკითხები, რომელთა დაყენებასაც ჩვენ ვაპირებდით, თუმცა გავითვალისწინეთ სამოქალაქო სექტორის პოზიცია, რომ მინიმუმზე მინიმუმი უნდა დავუყენოთ პრორუსულ ,,ქართულ ოცნებას“, რომ ევროკავშირის კანდიდატის სტატუსი როგორმე მივიღოთ, ეს არის სწორედ სახელმწიფოებრივი მიდგომა და აზროვნება.
ერთ მხარეს არის სრულიად პროევროპული სპექტრი, ხოლო მეორე მხარეს პრორუსული ,,ქართული ოცნება“, რომელიც ცრუ სამუშაო ჯგუფში თავის სატელიტებთან ერთად არის ჩართული და აკეთებს არაფერს. პირიქით! ყველაფერს აკეთებს იმისათვის, რომ ევროკავშირის პერსპექტივა დავკარგოთ და პირისპირ დავრჩეთ რუსეთთან.
ამიტომ, კიდევ ერთხელ ვამბობ, ჩემთვისაც რთული იყო ასეთ მინიმალურ პაკეტზე დათანხმება მაგრამ, ამით ჩვენ ვაჩვენებთ იმ კომპრომისულობას, იმ თანხმობისკენ სვლას, რომელიც სჭირდება საქართველოს ევროკავშირში ინტეგრაციას და ამიტომ პრორუსულ ,,ქართულ ოცნებას“ ვებუნები: აგერ ბატონო, აბა დავინახავთ თქვენ, რას გააკეთებთ!“ – აცხადებს გიორგი ვაშაძე.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
