ევროსაბჭოს 12 რეკომენდაციის შესრულების სამუშაო ფორმატზე კომენტარს აკეთებს პარლამენტის საგარეო ურთიერთობათა კომიტეტის თავმჯდომარე ნიკოლოზ სამხარაძე. მისი განცხადებით, პარლამენტის კომისიებში მიმდინარე პროცესის პარალელურად ოპოზიციის ქმედებები არის ლოგიკას მოკლებული:
,,ამ პუნქტების შესრულება არის როგორც ხელისუფლების, ასევე ოპოზიციის პასუხისმგებლობა და ვალდებულება. შესაბამისად, ყველამ ერთად უნდა ვიმუშაოთ პარლამენტში იმისთვის, რომ ეს პუნქტები შესრულდეს.
ოპოზიციის ქმედება არანაირ ლოგიკაში არ ჯდება. ეს არის იმ პოლიტიკის გაგრძელება, რომელიც მათ ჰქონდათ 2020 წლის არჩევნების შემდეგ. სანამ კუთხეში არ მიაყენეს, მანამდე პუფებს ეძახდნენ ერთმანეთს, ვინც პარლამენტში შემოვიდოდა, შემდეგ მოუწიათ და შემოვიდნენ.
ახლაც ამბობენ, რომ სამუშაო ჯგუფში არ ჩავერთვები და კომიტეტის სხდომაზე ჩავერთვები. აბსოლუტურად ყველანაირ ლოგიკას არის მოკლებული“, – განაცხადა ნიკოლოზ სამხარაძემ.
ავტორი
ნინი ხიჯაკაძე
