პარლამენტის ფრაქცია ,,ერთიანი ნაციონალური მოძრაობა – ძალა ერთობაშიას“ თავმჯდომარის მოადგილე ლევან ბეჟაშვილი სახალხო დამცველის არჩევის წესთან დაკავშირებით ხელისუფლების წარმომადგენლებთან ერთად საკონსულატიო შეხვედრას ესწრებოდა. ოპოზიციონერი ლიდერის განცხადებით, ისინი მონაწილეობას მიიღებენ ახალი ომბუდსმენის არჩევის პროცესში, ოღონდ კონკრეტული პირობებით:
,,ჩვენ უნდა დავაკვირდეთ პროცესს. აქ მნიშვნელობა აქვს რა და როგორ წარიმართება ეს პროცესი!
რეგლამენტის ცვლილებებთან დაკავშირებით იცით, რომ საპარლამენტო ოპოზიციამ პირველი მოსმენით მხარი დაუჭირა, მაგრამ შემდგომ პროცესები არ განვითარდა ისე, როგორც ამას შეთანხმება ითვალისწინებდა.
ამ შემთხვევაშიც ჩვენ ვიღებთ შერჩევის პროცედურაში მონაწილეობას, მათ შორის, შემფასებელი ჯგუფის დასახელებაში. შემდგომ, ბუნებრივია, გვაქვს მოლოდინი, რომ ჩვენ წარვადგენთ შესაბამის სახალხო დამცველის კანდიდატურას.
საბოლოო ჯამში, ყველაფერი დამოკიდებულია იმაზე, თუ რა კანდიდატურები შემოვა განსახილველად“, – განაცხადა ლევან ბეჟაშვილმა.
ავტორი
ნინი ხიჯაკაძე
