“გადაფრენაზე ნებართვა გასცა არა მარტო საქართველოს ნავიგაციის სამსახურმა, არამედ “ICAO” კონტროლის შესაბამისმა სამსახურმა” – ირაკლი ქადაგიშვილი

საქართველოს საჰაეროს სივრცის გავლით ირანიდან რუსეთში სატვირთო ავიარეისების შესრულებასთან დაკავშირებით კონკრეტული ინფორმაციების გავრცელებას ეხმაურება პარლამენტის საპროცედურო საკითხთა და წესების კომიტეტის თავმჯდომარე ირაკლი ქადაგიშვილი:

,,ეს კომპანი არ არის სანქცირებულ კომპანიათა სიაში. ამიტომ ის დაფრინავს და ახორციელებს ფრენებს საერთაშორისო მასშტაბით – ეს ერთი.

მეორე – საქართველოს სივრცეზე თვითმფრინავის გადაფრენა არის არა მარტო ეროვნული რეგულატორის ნებართვა, არამედ ეს არის საერთაშორისო რეგულატორის ნებართვაც.

ამ გადაფრენაზე ნებართვა გასცა არა მარტო საქართველოს ნავიგაციის სამსახურმა, არამედ ,,ICAO“ [სამოქალაქო ავიაციის საერთაშორისო ორგანიზაცია] კონტროლის შესაბამისმა სამსახურმა“, – განაცხადა ირაკლი ქადაგიშვილმა.

ავტორი
ნინი ხიჯაკაძე