“ჩვენთვის განსაკუთრებული საფრთხის მატარებელი უნდა იყოს სწორედ უკონტროლო შემოსვლა ჩვენს ქვეყანაში: – სალომე სამადაშვილი

პარლამენტის წევრი, პარტია ,,ლელო საქართველოსთვის“ პოლიტიკური მდივანი სალომე სამადაშვილი კომენტარს აკეთებს ოპოზიციის მოთხოვნაზე რუსი ტურისტებისთვის ვიზების საკითხთან დაკავშირებით:

,,საქართველო, რომლის ტერიტორიის 20% ოკუპაციის ქვეშ არის და რომლის პროდასავლური მომავლისთვის ხელის შეშლა არის დეკლარირებულად რუსეთის საგარეო პოლიტიკური ამოცანა, რა თქმა უნდა, რომ ჩვენთვის განსაკუთრებული საფრთხის მატარებელი უნდა იყოს სწორედ უკონტროლო შემოსვლა ჩვენ ქვეყანაში.

ჩვენ დავაყენეთ ჯერ კიდევ ომის დაწყებიდან რამდენიმე დღეში, თებერვალში წინადადება სავიზო რეჟიმის აღდგენასთან დაკავშირებით. თუმცა, ვხედავთ, რომ დღეს ჩვენ სრულიად დაუცველები დავრჩით აი, ამ უკონტროლო ნაკადების წინაშე“, – განაცხადა სალომე სამადაშვილმა.

ავტორი
ნინი ხიჯაკაძე