საქართველოს პარლამენტის წევრი, ,,სტრატეგია აღმაშენებლის“ გენერალური მდივანი პაატა მანჯგალაძე პოლიტიკურ შეფასებას აკეთებს სახალხო დამცველის არჩევის ახალ წესთან დაკავშირებით:
,,ეს სჭირდებათ იმისთვის, რომ შექმნან ფსევდო დემოკრატიული პროცესი. მათი კონტროლირებადი არასამთავრობო ორგანიზაციები დაასახელებენ ვითომ დამოუკიდებელ კანდიდატს, ვითომ ოპოზიციური პარტია დაასახელებს და წარმოადგენს ამ კანდიდატს, ,,ქართული ოცნება“ აირჩევს ვითომ დამოუკიდებელ კანდიდატს.
საბოლოო პროცედურა არის ეს, რასაც ,,ქართული ოცნება“ გვთავაზობს!
ჩვენ არ ვითხოვთ ოპოზიციის კანდიდატის არჩევას. ჩვენ ვითხოვთ დამოუკიდებელი, თავისუფალი კანდიდატის არჩევას“, – განაცხადა პაატა მანჯგალაძემ.
ინფორმაციისთვის: განიხილება არასამთავრობო სექტორის და აკადემიური წრეების ჩართულობით სამუშაო ჯგუფის დააკომპლექტება, ჯგუფი შეარჩევს და მინიმუმ 7 კანდიდატურას წარუდგენს საკანონმდებლო ორგანოს, მათგან კი პარლამენტი ერთ კანდიდატს აარჩევს. აქვე აღსანიშნავია, რომ საპარლამენტო უმრავლესობის განცხადებით, მმართველ პარტიას საკუთარი კანდიდატურა არ ეყოლება.
ავტორი
ნინი ხიჯაკაძე
