უკრაინის დამოუკიდებლობის დღესთან დაკავშირებით საქართველოს ხელისუფლების დელეგაცია უკრაინაში არ იყო წარმოდგენელი. ამასთან დაკავშირებით ტელეკომპანია “მთავარ არხთან” ინტერვიუში მწვავე შეფასებას აკეთებს ,,ერთიანი ნაციონალური მოძრაობის“ პოლიტიკურ საბჭოს წევრი, საქართველოს პარლამენტის წევრი ლევან ხაბეიშვილი:
,,ცხადია, ოფიციალური თბილისი, ხელისუფლებიდან უნდა ყოფილიყო წარმოდგენილი დედაქალაქ კიევში, ჩვენს თანამოძმე უკრაინელებთან ერთად.
ცხადია, იქ უნდა აღენიშნათ დამოუკიდებლობის დღე. თუმცა, არა თუ ამას აკეთებენ, არამედ ბათუმში კონცერტი, რომელიც დაგეგმილი იყო ფაქტობრივად ჩაშალეს.
ამასობაში არანაირი ღონისძიება, რომელიც უკავშირდება უკრაინის დამოუკიდებლობას, ამ დღის აღნიშვნას, ჩვენი მოძმეებისთვის სოლიდარობის გამოცხადებას, ოფიციალურ თბილისს ან ხელისუფლებას, ან დედაქალაქის მერიას, ან რომელიმე მუნიციპალიტეტს დაგეგმილიც კი არ აქვს.
ეს ნათლად აჩვენებს მათ დამოკიდებულებას. ამ ომში, ჩვენ და სამწუხაროდ, ჩვენი ხელისუფლება არის რუსეთის მხარეს“, – განაცხადა ლევან ხაბეიშვილმა.
ავტორი
ნინი ხიჯაკაძე
