“აუცილებელია მისთვის გამოიძებნოს კლინიკა, საზღვარგარეთ” – შოთა თუთბერიძე მიხეილ სააკაშვილის მკურნალობაზე

მიხეილ სააკაშვილის ჯანმრთელობის მდგომარეობის შესახებ საუბრობს მისი ადვოკატი შოთა თუთბერიძე:

“მიხეილ სააკაშვილის ჯანმრთელობის მდგომარეობა აუცილებლად მოითხოვს შესაბამის სამედიცინო ჩარევას და ფაქტია ის, რომ სააკაშვილის მიმართ მკურნალობას ამ დრომდე არ აქვს რაიმე ხელშესახები შედეგი, რაც ჩემთვის არის იმის ინდიკატორი და ნათელი მაჩვენებელი, რომ აუცილებელია მისთვის გამოიძებნოს კლინიკა, თუნდაც საზღვარგარეთ სამკურნალოდ.

ხოლო რაც შეეხება სასჯელის გადავადებას, მისი გადავადება ხდება იმ პერიოდით, რა პერიოდითაც აუცილებელია მკურნალობა და ვადა გრძელდება, თუ ეს მკურნალობისთვის საჭირო გახდა.

ექსპერტიზის დასკვნის თანახმად მიხეილ სააკაშვილს რა დროც დასჭირდება, სასამართლო განსაზღვრავს ამ დროს, თუ რა პერიოდის განმავლობაში უნდა იყოს სასჯელი გადავადებული“, – აცხადებს შოთა თუთბერიძე.