“იმ პარტიების სია მაინტერესებს გოგაშვილს სულიერ ლიდერად და გამაერთიანებლად რომ აღიარებს” – ელისო კილაძე

საბავშვო მოთხრობა “სალამურას თავგადასავლის” ერთ-ერთი პერსონაჟის “მოშველიებით” ელისო კილაძე მორიგ პოსტს, ამჯერად ირონიულს, აქვეყნებს სოსო გოგაშვილთან მიმართებაში:

“ბრძენი კინალოკო:

სოსო გოგაშვილი ოპოზიციურ პარტიებს და სამოქალაქო საზოგადოებას კონსოლიდაციისკენ მოუწოდებს – მეც მაქსიმალურად გვერდით დაგიდგებითო.🤨

იმ პარტიების სია მაინტერესებს გოგაშვილს სულიერ ლიდერად და გამაერთიანებლად რომ აღიარებს🤠” – წერს ფეისბუქის პირად გვერდზე ელისო კილაძე.

ინფორმაციისათვის – სოციალურ ქსელში სოსო გოგაშვილის მორიგი გზავნილი გავრცელდა, სადაც იგი ოპოზიციურ პარტიებსა და სამოქალაქო სექტორს კონსოლიდაციისკენ მოუწოდებს:

“ახლა მთავარია მაქსიმალური კონსოლიდაცია ოპოზიციურ პარტიებსა და სამოქალაქო საზოგადოებას შორის, რადგან ხალხს სწრაფად დაუბრუნონ კოლაბორანტების მიერ მიტაცებული ხელისუფლება და სახელმწიფო ინსტიტუტები. მე პირადად გავაკეთებ მაქსიმუმს, რომ მივეხმარო ამ პროცესს ინფორმაციულად და საზოგადოების თვალში საბოლოოდ ჩამოვხსნა ნიღაბი ოცნებას. პარალელურად, საჯაროდ მივაწვდი ხალხს ინფორმაციას კოლაბორანტების მიერ ჩანერგილი აგენტურის შესახებ, რომლებიც ძირგამომთხრელ საქმიანობას ეწევიან, როგორც ოპოზიციაში ისე სამოქალაქო საზოგადოების წიაღში“, აცხადებს სოსო გოგაშვილი.