საქართველოს პარლამენტის წევრი, ,,სტრატეგია აღმაშენებლის“ გენერალური მდივანი პაატა მანჯგალაძე ჟურნალისტებთან კომენტარს აკეთებს სამომავლო გეგმებთან დაკავშირებით, თუ რა შედეგი შეიძლება მოჰყვეს უარს საქართველოსთვის ევროკავშირის კანდიდატის ქვეყნის სტატუსის მიჭებაზე:
,,თუ ,,ქართული ოცნება“ არ შეასრულებს ევროკომისიის რეკომენდაციას, რის გამოც უარს გვეტყვიან ევროპაში და ჩვენი თანამედროვე ეროვნული იდეის რეალიზების შესაძლებლობას თუ მოუსპობს მმართველი გუნდი, რა თქმა უნდა, ყველა ქუჩაში უნდა გავიდეთ.
ეს არ იქნება არც ზურა ჯაფარიძის და არც ,,სტრატეგია აღმაშენებლის“ აქცია. ეს იქნება საქართველოს გადარჩენის და გამარჯვების აქცია!
,,ქართულ ოცნებას“ ისე მიჰყავს საქმე, ხალხი საერთოდ არ მოიკითხავს რომელი პარტიის აქციაა, ვისი ორგანიზებულია, ისე გამოვლენ ქუჩაში. ამის გარანტიას გაძლევთ!“, – განაცხადა პაატა მანჯგალაძემ.
ავტორი
ნინი ხიჯაკაძე
