საქართველოს პარლამენტის წევრი, ,,სტრატეგია აღმაშენებლის“ გენერალური მდივანი პაატა მანჯგალაძე პოლიტიკურ შეფასებას აკეთებს მმართველი გუნდთან მიმართებაში და აცხადებს, რომ ,,ქართული ოცნება“, მათგან გამიჯნულებთან ერთად, ცდილობს რუსული პროპაგანდით ადამიანების ტვინების გამორეცხვას, წინააღმდეგ შემთხვევაში, თუ აცხადებენ, რომ მზადდებოდა გადატრიალება, დაიწყონ გამოძიება:
,,ამ ხალხს რომ მოვუსმინოთ და დავიჯეროთ, თუ რამე არსებობს მტრული ქმედება ყველაფერს აბრალებენ ამერიკის შეერთებულ შტატებს. ეს შეიძლება დედამიწაზე აწყობდეს მხოლოდ ერთ სახელმწიფოს და ეს არის რუსეთი.
ახლა აჩვევენ ადამიანების ყურებს ამ ანტიდასავლურ რიტორიკას. იმიტომ, რომ შემოდგომაზე საქართველო დატოვონ პირისპირ რუსეთთან და გამოგვიცხადონ, რომ დასავლეთმა მიგვატოვა, დასავლეთი არის ჩვენი მტერი და რუსეთის გარდა ჩვენი ეკონომიკური სტაბილურობის, პურის ჭამის გარანტი არ არსებობს – რუსეთი რომ არა, დავიხოცებით შიმშილით!
თუ ხელისუფლების დამხობაზე იყო საუბარი არადემოკრატიული გზით, თუ ასეთი მტკიცებულებები არსებობს – რატომ არ იწყება გამოძიება?! – მაგრამ ეს არის ცრუ, რუსული პროპაგანდა ადამიანების ტვინების გამორეცხვისთვის!“, – განაცხადა პაატა მანჯგალაძემ.
ავტორი
ნინი ხიჯაკაძე
