სახელმწიფო უსაფრთხოების სამსახური საქართველოში შემოსული ე.წ. “გაშიფრული” აგენტით დაინტერესდა და რუსეთის მოქალაქე ვსევოლოდ ოსიპოვი გამოკითხვაზე დაიბარეს. ,,ერთიანი ნაციონალური მოძრაობის“ პოლიტიკური საბჭოს წევრმა ბაჩო დოლიძემ გამოძიების დაწყების მოთხოვნით პროკურატურას მიმართა:
,,იმ დროს, როდესაც ჩვენს მოქალაქეებს რუსეთის ფედერაციის მხრიდან უკონტროლო შემოდინების ლეგიტიმური შიში გააჩნიათ, საქართველოს ხელისუფლება ფასადურადაც კი არ რეაგირებს აღნიშნულთან დაკავშირებით.
სახელმწიფო უსაფრთხოების სამსახური, რომელიც დასდევს ,,ოცნების“ პოლიტიკურ ოპონენტებს, არაფერს აკეთებს იმისათვის, რომ თუნდაც ის ინფორმაცია, რომელიც საჯაროა და მედიაში ვრცელდება, რეაგირება მოახდინოს.
საქმე ეხება რუსეთის მოქალაქეს, ოსიპოვს.
ძალიან დიდი იმედი მაქვს, რომ ამ ადამიანს არ გადასცემენ რუსეთს. ის ინფორმაცია, რომელსაც ფლობს ეს ადამიანი მაქსიმალურად იქნება გამოყენებული ჩვენი ქვეყნის ინტერესებში”, – განაცხადა ბაჩო დოლიძემ.
ინფორმაციისთვის შეგახსენებთ, რომ ვსევოლოდ ოსიპოვი არის რუსეთის მოქალაქე, რომელიც რამდენიმე თვეა საქართველოში იმყოფება.
ავტორი
ნინი ხიჯაკაძე
