“სულ ასეთი “მართლები” და “პატრიოტები” არიან!” – რატი იონათამიშვილი “ნაციონალურ მოძრაობას” კონკრეტულ ფაქტებზე მიუთითებს

რატი იონათამიშვილი სოციალურ ქსელში პოსტს აქვეყნებს, სადაც ცალკეულ ფაქტებზე საუბრობს და კონკრეტულ ბრალდებებს უყენებს წინა ხელისუფლებას:

“ცხინვალის რეგიონს სამხრეთ ოსეთი დაარქვეს, საზღვრები შემოუხაზეს და არჩევნები ჩაუტარეს, კოდორს – ზემო აფხაზეთი.

2008 წლის რვა აგვისტოს იძახეს, რუსეთში არიან ძალები, რომლებსაც ჩართვა სურთ ამ მოვლენებშიო;

ცხრაში ბრძანებულება გამოსცეს, რვაში გადმოკვეთა რუსულმა ჯარმა როკის გვირაბიო;

ცოცხალი და გარდაცვლილი გმირები ომში მიატოვეს;

თორმეტში წაგებული ომი აზეიმეს ხალხს, ორ თვეში რეზოლუციაზე მოუწერეს რუსებს ხელი – 7 აგვისტოს ომი ჩვენ დავიწყეთ და ცხინვალში მშვიდობიანი მოსახლეობა კასეტური ბომბებით დავბომბეთო;

უკუპანტების მიერ ჩადენილი დანაშაულების მტკიცებულებები გადამალეს, რომელთა მოძიება და სტრასბურგის მოგება ძლივს მოხერხდა 2013 წლის შემდეგ და ჩვენ გვეუბნებიან, მოღალატეები ხართ, რვაში რატომ გადიხართ დაღუპული გმირების საფლავებზეო.

თავადაც 8 რიცხვში აკეთებდნენ იგივეს წლების განმავლობაში, უბრალოდ ბოლო წლებია “ნაცების პიარმა” ასე გადაწყვიტა და ასეთი დავალება გასცა.

სულ ასეთი “მართლები” და “პატრიოტები” არიან!” – წერს რატი იონათამიშვილი ფეისბუქის საკუთარ გვერდზე.