“ეს ყველაფერი იქნებოდა უბრალოდ სასაცილო, რომ არ იყოს ეს ერთიანი კამპანიის ნაწილი” – ნიკა სიმონიშვილი “ქართული ოცნების” პოზიციაზე

საქართველოს ახალგაზრდა იურისტთა ასოციაციის თავმჯდომარე ნიკა სიმონიშვილი კომენტარს აკეთებს ქსენოფობიასთან დაკავშირებით მმართველი გუნდის მიერ გაკეთებულ კონკრეტულ განცხადებებზე, მათ შორის, არასამთავრობო სექტორთან მიმართებაში:

,,ეს არის ჩვეულებრივი რუსული ნარატივი – დააბრალე ადამიანს რაღაც და მერე მან ამტკიცოს, რომ არ არის არც ქსენოფობი თუ ა.შ.

შესაბამისად, ეს რიტორიკა არის ჩვეულებრივი იმ რიტორიკის გაგრძელება, რაც ,,ქართულ ოცნებას“ აქვს – ქსენოფობიის, ომის პროპაგანდისა თუ ომის სურვილის დაბრალება და ა.შ.

ადამიანებს აბრალებენ ისეთ რაღაცებს, რაც უბრალოდ მათ არ გაუკეთებიათ. შეუძლებელ თუ სრულიად ფანტასტიკურ რაღაცებს აბრალებენ. შემდეგ გიწევს იმის მტკიცება, რომ არ ხარ ქსენოფობი.

რა თქმა უნდა, ეს ყველაფერი იქნებოდა უბრალოდ სასაცილო, რომ არ იყოს ეს ერთიანი კამპანიის ნაწილი“, – განაცხადა ნიკა სიმონიშვილმა.

ავტორი
ნინი ხიჯაკაძე