პარტია ,,ქართული ოცნების“ თავმჯდომარე ირაკლი კობახიძე ჟურნალისტებთან კომენტარს აკეთებს სახალხო დამცველის განცხადებაზე ქსენოფობიასთან დაკავშირებით. მმართველი პარტიის ლიდერი აღნიშნავს, რომ რიგითი რუსეთის მოქალაქის ცუდად მოქცევა, ვერ იქნება ქსენოფობიისა და შოვინიზმის საფუძველი, თუმცა ამასთან სახალხო დამცველს კონკრეტულ ბრალდებას უყენებს:
,,პირდაპირ ვიტყვი, რომ ეს არის გაუგონარი განცხადება, როდესაც სახალხო დამცველად წოდებული ადამიანი პირდაპირ ერთვება ქსენოფობიურ კამპანიაში. ეს არის წარმოუდგენელი!
პირდაპირ ჩანს, რომ ეს ადამიანი არის არა ომბუდსმენი, არამედ ანტიომბუდსმენი. უკავია ამხელა დონის თანამდებობა და ის აკეთებს წარმოუდგენელ განცხადებებს.
ვიღაცა რიგითი რუსეთის მოქალაქე რომ ცუდად იქცევა, ეს აბსოლუტურად არ არის… ასეთი ინდივიდუალური შემთხვევები არის დასაგმობი და ბუნებრივია, ამაზე გვაქვს ჩვენი დამოკიდებულება. ეს ვერავითარ შემთხვევაში ვერ გახდება ქსენოფობიის და შოვინიზმის საფუძველი.
ჩვენ ვნახეთ, რომ სახალხო დამცველი ჩაერთო ქსენოფობიურ კამპანიაში. მისი იმედი ვერ გვექნება. აქედან გამომდინარე, ჩვენ თავზე უნდა ავიღოთ ადამიანის უფლების დაცვა“, – განაცხადა ირაკლი კობახიძემ.
ავტორი
ნინი ხიჯაკაძე
