,,ანტიკორუფციული მოძრაობა“ სასამართლომ 15 000 ლარით დააჯარიმა. სასამართლო პროცესის დასრულების შემდეგ ჟურნალისტებთან მწვავე განცხადება გააკეთა ,,ერთიანი ნაციონალური მოძრაობის“ პოლიტიკური საბჭოს წევრმა, პარლამენტის დეპუტატმა ლევან ხაბეიშვილმა:
,,როგორც კი დაიწყო სასამართლო, ცხადი იყო რა გადაწყვეტილებას გამოიტანდა. აქ სამართალს ვერ იპოვი. რატომ დააჯარიმეს ,,ანტიკორუფციული მოძრაობა“ ხალხმა უნდა იცოდეს!
ელექტროენერგია რომ გაუძვირდა ხალხს და ჯიბეში ხელს უყოფენ – ეს რომ გააპროტესტა ,,ანტიკორუფციულმა მოძრაობამ“ და გაამჟღავნა უჩა მამაცაშვილის და ივანიშვილის ინტერესი, ამიტომ დააჯარიმეს 15 000 ლარით.
ქურდობაში რომ ვამხელთ, ხალხს რომ ძარცვავენ და ამაში რომ ვამხელთ, ამიტომ დააჯარიმეს ,,ანტიკორუფციული მოძრაობა“.
ფიქრობენ, რომ 15 000 ლარით დავაჯარიმეთ, ვინც ხმას ამოიღებთ, კიდევ მეორედ, იმასაც დაგაჯარიმებთ.
უკაცრავად და ფეხებსაც ვერ მოგვჭამთ! აუცილებლად ბოლომდე ვიბრძოლებთ!“, – განაცხადა ლევან ხაბეიშვილმა.
ავტორი
ნინი ხიჯაკაძე
