“საქართველოს ევროპულ პერსპექტივას ალტერნატივა არ აქვს!“ – გიორგი ვაშაძე

დღეს ოპოზიციასა და სამოქალაქო სექტორს შორის შეხვედრა გაიმართა, რომელსაც დიპლომატიური კორპუსის წარმომადგენლებიც ესწრებოდნენ. მთავარი ამოცანა იყო ევროსაბჭოს 12 პუნქტიანი რეკომენდაციების შესასრულებელი სამუშაო პროცესი. აღნიშნულ საკითხზე კომენტარი გააკეთა ,,სტრატეგია აღმაშენებლის“ თავმჯდომარემ გიორგი ვაშაძემ:

,,მე ვიტყოდი ზე-ინკლუზიური, ფართო მასშტაბიანი და ყოვლისმომცველი კვირა გამოვიდა იმიტომ, რომ ჩვენ მართლა გვაქვს დასადები კონკრეტული კანონპროექტები, რომლებიც შეესაბამებიან რეკომენდაციების 12 პუნქტს.

,,ქართულ ოცნებას“ უნდა, რომ ეს ყველაფერი მონათლოს რაღაცა ალტერნატიულ პროცესად. ეს არის სამუშაო პროცესი. საქართველოს ევროპულ პერსპექტივას ალტერნატივა არ აქვს!

ჩვენ ეს კანონები უნდა დავდოთ, მათ შორის, ჩვენს ევროპელ კოლეგებთან უნდა გავიაროთ ეს ყველაფერი, პირველ რიგში საქართველოს მოქალაქეებთან. დოკუმენტები უნდა მივიღოთ იმ შინაარსით, რომლებიც ჩვენ მოგვიტანს ევროკავშირის კანდიდატის სტატუსს.

შესაბამისად, ძალიან მნიშვნელოვანი შეხვედრაა. დიპლომატიური კორპუსის წარმომადგენლებიც ესწრებიან.

ძალიან სამწუხაროა, რომ ,,ქართული ოცნება“ ამასაც ბოიკოტს უცხადებს. საერთოდ ყველაფერს ბოიკოტს უცხადებს საკუთარი თავის გარდა“, – განცხადა გიორგი ვაშაძემ.

ავტორი
ნინი ხიჯაკაძე