“როგორ უნდა შევიდე პროცესში, სადაც წინაპირობებს მიყენებენ და ვიცი, აპრიორი არ იქნება შესრულებული ევროკავშირის მოთხოვნა?!” – გიორგი ვაშაძე

ოპოზიციური პარტიების კონსულტაციები ევროკომისიის 12 რეკომენდაციის შესასრულებლად გრძელდება. ,,სტრატეგია აღმაშენებლის“ თავმჯდომარე გიორგი ვაშაძე პოლიტიკურ შეფასებას ახდენს მიმდინარე პროცესთან დაკავშირებით და კონკრეტულ განმარტებებს აკეთებს, თუ რატომ არ ერთვება სამი ოპოზიციური პარტია იმ კომისიების მუშაობაში, რომელიც პარლამენტის თავმჯდომარის, შალვა პაპუაშვილის ინიციატივით შეიქმნა:

,,კომისიები, რომელსაც წინაპირობები აქვს, რომ დეოლიგარქიზაცია არ ეხება ივანიშვილს, დეპოლარიზაცია ოპოზიციის გაჩუმება არის, საკონსტიტუციო ცვლილებებზე არ ვრცელდება თურმე 12 პუნქტი. პირდაპირ გვითხრეს ხო ეს ყველაფერი?! კლანი სასამართლოში არ არის და ჩვენ კანონს, რომელსაც დავწერთ მართლმსაჯულებაზე არ შეეხება კლანსო.

მე გეკითხებით, როგორ უნდა შევიდე პროცესში, სადაც წინაპირობებს მიყენებენ და ვიცი, რომ 4 ფუნდამენტურ, ყველაზე მნიშვნელოვან საკითხში, აპრიორი არ იქნება შესრულებული ევროკავშირის მოთხოვნა.

ჩვენი სამუშაო პროცესი კი ნიშნავს ჩვენს ევროპელ პარტნიორებთან მუშაობას, კითხვა-პასუხის რეჟიმში მუშაობას“, – განაცხადა გიორგი ვაშაძემ.

ავტორი
ნინი ხიჯაკაძე