სახელმწიფო უსაფრთხოების სამსახურის ყოფილი მაღალჩინოსნის შვილი, ნინო გოგაშვილი ჟურნალისტებთან გაკეთებულ კომენტარში საუბრობს მამის დაკავების მოტივებზე და აცხადებს, რომ ბრძოლის გაგრძელებას აპირებენ ბოლომდე:
,,სოსო გოგაშვილი იაზრებს, რომ იყო იმ სისტემის ნაწილი, რომელსაც ახლა ამხელს. დარწმუნებული ვარ, იგი მზარ არის, რომ სამართლიანი სასამართლოს წინაშე აგოს პასუხი, თუ კი მას რაიმე დანაშაული აქვს ჩადენილი.
მას სთხოვდნენ, რომ ამ ტიპის დავალებები შეესრულებინა. კონკრეტულად რა დავალებებს გულისხმობდა ამაზე ინფორმაცია არ მაქვს. ალბათ, თუ საჭირო იქნება და ეს იქნება მამაჩემის გადაწყვეტილება – ესეც გავრცელდება.
,,ქართული ოცნება“ სჯის იოსებ გოგაშვილს სისტემის მხილების გამო. ისინი ცდილობენ, რომ შური იძიონ მასზე, გააჩუმონ.
სწორედ ამას გულისხმობს და ამასთან არის დაკავშირებული ცრუ ბრალდებები, რომლებიც მას აქვს დღეს წაყენებული და ის სამართლებრივი ხარვეზები, რასთან დაკავშირებითაც არ სურთ რომ ისაუბრონ.
არ არის დამთავრებული პროცესი, ვგულისხმობ ამ სისტემის მხილებას. ჩვენ ბოლომდე ვაპირებთ ბრძოლას“, – განაცხადა ნინო გოგაშვილმა.
ავტორი
ნინი ხიჯაკაძე
