,,სტრატეგია აღმაშენებლის“ თავმჯდომარე გიორგი ვაშაძე მწვავე შეფასებას აკეთებს მმართველი გუნდის მიმართ. ოპოზიციონერი ლიდერის განცხადებით, ,,ქართული ოცნების“ მხრიდან სასესიო სხდომაზე უარის გამოცხადება ნიშნავს, რომ ხელისუფლება ბოიკოტს უწყობს საქართველოს ევროპულ მისწრაფებებს:
,,ჩვენ, ოპოზიციის უპრეცედენტო ერთობით, შევთავაზეთ კონსტიტუციით და კანონით გარანტირებული რიგგარეშე სესიის, კომიტეტის/პლენარული სხდომების ჩატარება ევროპული რეკომენდაციების შესასრულებლად.
ისინი კი დესტრუქციას უწყობენ. ბოიკოტი გამოუცხადეს პლენარულ სხდომებს, რიგგარეშე სესიას, იმ კონსტიტუციით და რეგლამენტით გათვალისწინებულ პროცედურებს და რაც ყველაზე მთავარია, სამწუხაროდ, ისინი დღეს კიდევ ერთხელ გამოჩნდა, რომ ბოიკოტს უცხადებენ საქართველოს ევროპულ მისწრაფებებს.
ეს ადამიანები, უმრავლესობაში მყოფი ჯერ კიდევ ,,ქართული ოცნება“, ამ პარლამენტში წარმოიდგინეთ რა მძიმე დღეშია, რომ სასესიო სხდომაზე მიდის ოპოზიცია, ამბობს რომ განვიხილოთ ის კანონები, ნებისმიერი საკითხი, რომელიც არის 12 პუნქტით გათვალისწინებული და მიედ-მოედებიან, რაღაცა არგუმენტებს იშველიებენ.
ანუ მათთთვის სამუშაო პროცესი არის ის რაღაცა კვაზი კომისიები, რომელიც რეგლამენტით არ არის გათვალისწნებული თუ სამუშაო ჯგუფებში ბუჩქნიაობა, მაგრამ მათთვის უსაქმურობა არის კონსტიტრუციით და კანონით გათვალისწინებული პლენარული სხდომები, საკომიტეტო მოსმენები.
ეს არის თავიდან ბოლომდე ლუსტრაცია მათი. ჩვენ ოპოზიცია გავაგრძელებთ სწორედ აი ასე ერთიანად მოქმედებას. იმისათვის, რომ ყველა რეკომენდაციაზე მოხდეს მუშაობა სამოქალაქო სექტორთან ერთად – მათ წარმოგვიდგინეს საკუთარი ხედვა. მზად ვართ ჩავერთოთ აქ, საპარლამენტო ოთახებში თუ პარლამენტს გარეთ სამუშაო პროცესში, შევიმუშაოთ არა მხოლოდ 4 საკანონმდებლო პაკეტი, არამედ ყველა ის საკანონმდებლო პაკეტი, რაც სჭირდება საქართველოს ევროპულ მომავალს.
რაც მთავარია ,,ქართული ოცნების“ ლუსტრაცია, რომელიც დღეს მოხდა, როგორც მთელი საქართველოს თვალწინ, ასევე ჩვენი საერთაშორისო პარტნიორების თვალწინ, ამაზე ისინი მიიღებენ პასუხს!“, – განაცხადა გიორგი ვაშაძემ.
ავტორი
ნინი ხიჯაკაძე
