“იმდენად გავიდა თავს ქალბატონი ელჩი, რომ ამის არშემჩნევა არაფრით არ შეიძლება” – ლევან ნიკოლეიშვილი

პოლიტიკის მეცნიერების დოქტორი, ანალიტიკოსი ლევან ნიკოლეიშვილი მწვავედ უპირისპირდება საქართველოში ამერიკის შეერთებული შტატების ელჩს, კელი დეგნანს:

“პოლიტიკური წვეულების ამბავი

არ მეგონა ამ თემაზე თუ მომიწევდა დაწერა, მაგრამ იმდენად გავიდა თავს ქალბატონი ელჩი, რომ ამის არშემჩნევა არაფრით არ შეიძლება.

ამერიკის საელჩოში, ჩვენი მეგობარი ქვეყნის საიუბილეო ღონისძიებაზე რაც საელჩოს ტერიტორიაზე ხდებოდა, ეს იყო პოლიტიკური განაცხადი და მძიმე ლუსტრაცია.

კერძოდ, ამ მნიშვნელოვან დღეს, სავარაუდოდ სტუმრები არა პროტოკოლის, არამედ კონკრეტული ადამიანების სიმპათიის მიხედვით შეარჩიეს.

თვალშისაცემი იყო პარლამენტის დეპუტატების შერჩევითი დაპატიჟება, ასევე სასამართლო ხელისუფლების მიმართ პირდაპირი დისკრიმინაცია, როდესაც წვეულებაზე ელჩმა მოსამართლეები პირადი სიმპათიის მიხედვით მიიწვია.

ყველაზე მძიმე სურათი მაინც მედიის ნაწილში ვნახეთ. ქალბატონმა დეგნანმა ღია დემარში გამოუცხადა ტელეკომპანია პოსტვ-ს, რომელიც არ მიიწვია საღამოზე, სამაგიეროდ ნაცმოძრაობის დაფინანსებული არხები, ფორმულა, მთავარი და ტვ პირველი მთელი შემადგენლობით იყვნენ წარმოდგენილნი. სხვათა შორის, როდესაც მედიას ეხება საქმე, საზოგადოებრივი მაუწყებლის ბორდის ხელმძღვანელი, ვასილ მაღლაფერიძე საელჩოს ბორდს მიღმა აღმოჩნდა, სამაგიეროდ იქ იყო ჭუტა, რომელმაც თავი სამარცხვინო პროვოკაციით “გამოიჩინა”.

P.S. კელი დეგნანის მხრიდან სასამართლო ხელისუფლებაში ჩარევის მორიგი ფაქტი – რუსთაველის თეატრში გამართულ მიღებაზე აშშ ს ელჩმა, საკონსტიტუციო სასამართლოდან მხოლოდ სამი მოსამართლე, ღიად ნაცი კვერენჩხილაძე იმერლიშვილი და ტუღუში დაპატიჟა, ხოლო ობიექტური მოსამართლეები არ შეიმჩნია… არის კიდევ კითხვები?“, – წერს ფეისბუქის პირად გვერდზე ლევან ნიკოლეიშვილი.