საპარლამენტო ოპოზიცია პარლამენტის რიგგარეშე სხდომის ჩასანიშნად ხელმოწერების შეგროვებას იწყებს, რისთვისაც 38 დეპუტატის ხელმოწერა არის საჭირო. აღნიშნულ საკითხზე ჟურნალისტებთან კომენტარს აკეთებს პარლამენტის ადამიანის უფლებათა და სამოქალაქო ინტეგრაციის კომიტეტის თავმჯდომარის პირველი მოადგილე ალუდა ღუდუშაური:
,,თქვენ კარგად გახსოვთ და საზოგადოებამ კარგად იცის, რა არის რეალურად მათი მიზანი – არასამუშაო პროცესი.
საზოგადოებას შევახსენებ, რიგგარეშე სხდომაზე არაფერი სამუშაო პროცესი არ იქნება წარმართული, გარდა ერთისა – ეს იქნება საცირკო წარმოდგენა.
ჩვენი ქვეყნის მოსახლეობისთვის ცირკის უფასო ბილეთების დარიგებას არ ვაპირებთ. ჩვენ ვაპირებთ, რომ სამუშაო წარვმართოთ იმდაგვარად, რომ ჩვენმა ქვეყანამ და ქვეყნის მოსახლეობამ საკუთარ თავზე იგრძნონ ინკლუზიურად ის განვითარება, რომელსაც ქვეყანას მოვუტანთ“, – განაცხადა ალუდა ღუდუშაურმა.
ავტორი
ნინი ხიჯაკაძე
