ევროპარლამენტარის მაიკლ გალერის პოზიციაზე ,,მთავარი არხის” გენერალური დირექტორის ნიკა გვარამიას საქმესთან დაკავშირებით პოლიტიკური შეფასება გააკეთა ,,სტრატეგია აღმაშენებლის” თავმჯდომარემ გიორგი ვაშაძემ:
,,სრულად ვეთანხმები მაიკლ გალერის, რომელიც არის საქართველოს დიდი გულშემატკივარი.
ეს კიდევ ერთი დადასტურებაა, რომ ნიკა გვარამია არის არა უბრალოდ პოლიტიკური პატიმარი, არამედ ის პოლიტიკური პატიმარია იმიტომ და იმისათვის გახადეს სწრაფად, დაუყოვნებლივ პოლიტიკურ პატიმრად, რომ საქართველოს უარი მიეღო ევროკავშირის კანდიდატის სტატუსზე“, – განაცხადა გიორგი ვაშაძემ.
ინფორმაციისთვის ევროპარლამენტარმა მაიკლ გალერიმ ბრიუსელიდან ნიკა გვარამიას სააპელაციო სარჩელის გამხილველ მოსამართლეებს მიმართა და მოუწოდა ემსახურონ სიმართლეს:
,,ქვეყნისთვის, რომელიც მიისწრაფვის ევროკავშირისკენ არ არის ბუნებრივი ჟურნალისტების ციხეში ჩასმა ისეთი ბრალდებებით, რომლებიც აშკარად შეთითხნილია და არც სასამართლოს სადამსჯელო ინსტრუმენტად გამოყენება მმართველი პარტიის მიერ.
ეს პრობლემაა და ამიტომ ჩვენი გზავნილი მკაფიოა – კანონი უნდა იყოს უზენაესი. მმართველი პარტია და ჩრდილში მყოფი ადამიანები არ უნდა მართავდნენ სასამართლოს.
ივანიშვილსა და ნიკას შორიან არიან მოსამართლეები, მათაც უნდა იფიქრონ როგორი მომავალი უნდათ რომ ჰქონდეთ დემოკრატიულ საქართველოში.
მე მინდა კიდევ ერთხელ მოვუწოდო მოსამართლეებს, რომ სიმართლეს ემსახურონ და არა ოლიგარქს“, – განაცხადა მაიკლ გალერიმ.
ავტორი
ნინი ხიჯაკაძე
