ოპოზიციასა და სამოქალაქო სექტორს შორის მოლაპარაკებები გრძელდება. აღნიშნულ საკითხზე ტელეკომპანია “მთავარი არხის” ჟურნალისტთან პოლიტიკური შეფასება გააკეთა ,,სტრატეგია აღმაშენებლის“ თავმჯდომარემ გიორგი ვაშაძემ და ჩამოთვალა ის მნიშვნელოვანი საკითხები, რაც აუცილებლად უნდა განახორციელონ:
,,რაც ჩვენ უნდა გავაკეთოთ ეს არის – ერთიანობა ოპოზიციურ ფლანგზე, რაც მგონია, რომ ძალიან მნიშვნელოვანი და გადამწყვეტია.
მეორე – სამოქალაქო სექტორთან ერთად პაკეტის შემუშავება პირველ სექტემბრამდე ამ 12 პუნქტიდან გამომდინარე. ყველამ ვიცით რა არის გასაკეთებელი, მაგრამ ეს უნდა გადავიდეს ფურცელზე.
მესამე – ეს არის საქართველოს მოქალაქეებთან აქტიური ურთიერთობა ივლისი-აგვისტოს მანძილზე.
მეოთხე – ეს არის როგორც, ასე ვთქვათ, საერთაშორისო ასპარეზიდან სანქციებზე, მეტ წნეხზე მუშაობა. თუმცა, მთავარი, – ისინი ჩვენს ნაცვლად ვერ შეცვლიან ხელისუფლებას ამიტომ ჩვენ დაგვჭირდება ძალიან მძაფრი პროტესტი სექტემბერი-ოქტომბრის მანძილზე“, – განაცხადა გიორგი ვაშაძემ.
ავტორი
ნინი ხიჯაკაძე
