“ჩვენი პირველი საზრუნავი ამჟამად არის მიხეილ სააკაშვილის ჯანმრთელობისა და სიცოცხლის გადარჩენა” – შოთა თუთბერიძე

ადვოკატი შოთა თუთბერიძე კომენტარს აკეთებს საქართველოს მე-3 პრეზიდენტის ჯანმრთელობის მდგომარეობის სამედიცინო დასკვნასთან დაკავშირებით და აცხადებს, რომ მიხეილო სააკაშვილს მოინახულებენ კიდევ ერთხელ მოინახულებენ ექსპერტები, ამ მიმართულებით მიმდინარეობს მონიტორინგი, შედეგები მიეწოდება საერთაშორისო აქტორებს და მას გავლენა ექნება ქვეყნის პერსპექტივაზე ევროკავშირში ინტეგრაციის გზაზე:

,,ეს იქნება მორიგი შემაჯამებელი სახის ვიზიტი ამ ექსპერტიზის ფარგლებში, რის შემდეგაც ყოველწუთიერად ველოდებით ექსპერტიზის დასკვნას.

ის ნათელს მოჰფენს ყველა იმ დარღვევას, რომელიც მიხეილ სააკაშვილისადმი მოპყრობის პერიოდში განხორციელდა. მეორეს მხრივ – ცხადია, ის გავლენას მოახდენს დაცვის მხარის სტრატეგიაზე.

მათ შორის, ჩვენი პირველი საზრუნავი ამჟამად არის მიხეილ სააკაშვილის ჯანმრთელობისა და სიცოცხლის გადარჩენა, პრინციპში. ამ კუთხით შემდეგი ქმედებების დაგეგმვის თვალსაზრისით, ბუნებრივია, დავეყრდნობით აუცილებლად ექსპერტების დასკვნას.

ყველა აქტორს, მათ შორის, საერთაშორისო აქტორს ვაყენებთ ხოლმე საქმის კურსში მიმდინარე მოვლენების შესახებ. ამ დაკვირვების შედეგები მოახდენს გავლენას საქართველოს, როგორც ქვეყნის პერსპექტივაზე ევროკავშირში ინტეგრაციის გზაზე“, – განაცხადა შოთა თუთბერიძემ.

ავტორი
ნინი ხიჯაკაძე