“სტრატეგია აღმაშენებლის” ლიდერები ბრიუსელში შეხვედრებს აგრძელებენ. გიორგი ვაშაძე და სერგო ძიხლაძე ევროპარლამენტის წევრს, ბარტ გრუტს შეხვდნენ. შეხვედრის ძირითადი თემა კიბერუსაფრთხოებას, რუსულ პროპაგანდას და რუსული პროპაგანდის გავლენებს საქართველოსა და რეგიონში შეეხებოდა.
შეხვედრაზე “სტრატეგია აღმაშენებლმა” დააყენა საკითხი, რომ აუცილებელია ევროპარლამენტის უსაფრთხოების კომიტეტის და ქვეკომიტეტების ჩართულობა გაიზარდოს საქართველოსთან მიმართებით:
“შევხვდით ევროპარლამენტის წევრს, ბარტ გრუტისს. შეხვედრის ძირითადი თემა იყო კიბერუსაფრთხოება, რუსული პროპაგანდა და რუსული პროპაგანდის გავლენები საქართველოსა და რეგიონში.
ვისაუბრეთ იმაზე, თუ რა უნდა დავუპირისპიროთ ამ ჰიბრიდულ ომს, რუსულ პროპაგანდას და რა ნაბიჯებია გადასადგმელი.
ჩვენი მხრიდან დავაყენეთ საკითხი, რომ აუცილებელია ევროპარლამენტის უსაფრთხოების კომიტეტის და ქვეკომიტეტების ჩართულობა გაიზარდოს საქართველოსთან მიმართებით, რომ უფრო ეფექტური რეაგირება მოვახდინოთ”, – განაცხადა სერგო ჩიხლაძემ.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს