“ამ ქალს არაადეკვატური აღქმა აქვს ქართველების და საქართველოსი!” – ხათუნა ხოფერია კელი დეგნანზე

358

საქართველოში ამერიკის შეერთებული შტატების ელჩის მოწოდებას, რომ ხელისუფლება და სამოქალაქო საზოგადოება ერთად დადგეს ევროკომისიის რეკომენდაციების შესასრულებლად, ეხმაურება პარლამენტის ყოფილი დეპუტატი ხათუნა ხოფერია, რომელიც ელჩის პოზიციაში ხელისუფლების კრიტიკას ხედავს, რასაც მიუღებლად მიიჩნევს:

ამ ქალს არაადეკვატური აღქმა აქვს ქართველების და საქართველოსი! ან არის ვარიანტი, რომ თავად ვერ არჩევს სწორ ფორმულირებებს, რაშიც ეჭვი მეპარება.

ახლა, ეს რომ დაწერა, უნდა გავგიჟდეთ, გადავირიოთ და ვემთხვიოთ სიმართლის თქმისთვის… არადა, ამ ნაწილობრივი სიმართლის უკან სერიოზული კრიტიკა და ბრალდებებია საქართველოს ხელისუფლების მიმართ!

ანუ…

საქართველოს ხელისუფლება არ დგას სამოქალაქო საზოგადოების გვერდით!

საქართველოს ხელისუფლება არ არის ერთიანი, ევროკავშირის წევრობასთან დაკავშირებით, საქართველოს საზოგადოებასთან!

და რა გამოდის, ტოტალიტარულია ჩვენი ხელისუფლება???…

და ის ხალხი, ვინც ვენდობით და ხელისუფლების მხარეს ვართ, არ ვართ საზოგადოების ნაწილი?…

მოკლედ, ერთხელ დავწერე და გავიმეორებ, რამსები აქვს არეული, რამსები და სერიოზულად აქვს პრობლემა საქართველოს რეალობის აღქმის!

ამიტომ, წავიდეს სახლში და თავის ჩასვრილ დემოკრატიას მიხედოს! შინამერიკაში, კელი!” – წერს ფეისბუქის პირად გვერდზე ხათუნა ხოფერია.

ინფორმაციისთვის: საქართველოში აშშ-ს ელჩმა, კელი დეგნანმა, ჟურნალისტებთან კომენტარში ყირადღება გაამახვილა ევროკომისიის რეკომენდაციების სესრულებაზე და ამ ამხრივ ხელისუფლებას აქტიურობისკენ მოუწოდა:

საქართველოს მთავრობისთვის, ახლა ის მომენტია, რომ ითანამშრომლოს ყველასთან, მათ შორის, ოპოზიციურ პარტიებთან და სამოქალაქო საზოგადოებასთან, რათა საბჭოს რეკომენდაციები შესრულდეს, რაც ევროკავშირის წევრობის კანდიდატი ქვეყნის სტატუსის მიღების მკაფიო გზაა“, – აღნიშნა კელი დეგნანმა.

კომენტარები პუბლიკაციაზე