ახალი სახალხო მოძრაობის მიერ საზოგადოებისადმი შეთავაზებულ ეროვნული თანხმობის მთავრობის შექმნის იდეას ეხმაურება პარლამენტის წევრი, პარტია “მოქალაქეების” თავმჯდომარე ალეკო ელისაშვილი:
“დროებითი, ტექნიკური მთავრობის შექმნისა და ღარიბაშვილის გადადგომის მოთხოვნა არასერიოზულად მიმაჩნია.
რა დროს რაღაც მთავრობის შექმნაა, რომელსაც არანაირი ლეგიტიმაცია არ აქვს. მიტინგზე გადაწყვიტა ხუთმა კაცმა, რომ მთავრობა შექმნას?! ასე არ ხდება მთავრობის ფორმირება.
ანა-ბანა არის პოლიტიკური მეცნიერებების, რომ მთავრობას აკომპლექტებს ის, ვინც არჩევნებში მიიღებს უმრავლესობას.
საზოგადოების ერთ ნაწილს ჰგონია, რომ ღარიბაშვილს გადააყენებენ და თვითონ მთავრობას დააკომპლექტებენ და თვითონ იქნებიან პრემიერ-მინისტრები და მინისტრები, ეს რეალური ჰგონიათ და დეოლიგარქიზაცია და ნორმალური სასამართლო რომ გვქონდეს და დეპოლარიზაციას რომ მივაღწიოთ, ეს ჰგონიათ მიუღწეველი?!” – აცხადებს ალეკო ელისაშვილი.
