“ჩვენი ევროპელი პარტნიორები დადებითად აფასებენ ეროვნული თანხმობის მთავრობის შექმნის ინიციატივას: – გიორგი ვაშაძე

82

„სტრატეგია აღმაშენებლის“ ვიზიტი ბრიუსელში გრძელდება. პარტიის ლიდერები გიორგი ვაშაძე და სერგო ჩიხლაძე შეხვედრებს ევროპარლამენტში აგრძელებენ. გიორგი ვაშაძის თქმით „ALDE”-ს წარმომადგენლებთან დღეს გამართულ შეხვედრაზე ვიცე პრეზიდენტმა და ევროპარლამენტარმა სვენია ჰანმა კიდევ ერთხელ გამოუცხადა საქართველოს მხარდაჭერა. როგორც ოპოზიციონერი ლიდერი აღნიშნავს, ევროპელი პარტნიორები ეროვნული თანხმობის მთავრობის შექმნის ინიაციატივას დადებითად აფასებენ:

ევროპარლამენტში დიდი ხანია, რაც ინფორმირებულები არიან საქართველოში მიმდინარე პროცესებზე. “ALDE”-ს ვიცე პრეზიდენტი და ევროპარლამენტარი სვენია ჰანი დადებითად აფასებს ინიციატივას, რაც არის ეროვნული თანხმობის შექმნა. როგორც “ალდე”-ში, ასევე ევროპარლამენტშიც თვლიან, რომ ეს არის ერთადერთი გამოსავალი, რომელიც უზრუნველყოფს რეფორმების განხორციელებას წლის ბოლომდე, ხელს შეუწყობს დეპოლარიზაციის პროცესს და ყველა მხარის პროცესში ჩართულობას.

დიახ, სწორედ ამაში ხედავენ ისინი გამოსავალს და მხარს უჭერენ „სტრატეგია აღმაშენებლის“ და სხვა ოპოზიციური პარტიების წინადადებას, რომელიც ასევე არის ქართველი ხალხის დაკვეთა. ჩვენი ევროპელი პარტნიორები დადებითად აფასებენ ეროვნული თანხმობის მთავრობის შექმნის ინიციატივას“, – აცხადებს გიორგი ვაშაძე.

ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს

კომენტარები პუბლიკაციაზე