“სტრატეგია აღმაშენებლის” ლიდერი გიორგი ვაშაძე, საქართველოს პრემიერ-მინისტრის ირაკლი ღარიბაშვილის მიერ გაკეთებულ განცხადებებს გამოეხმაურა:
ოპოზიციონერმა ლიდერმა ირაკლი ღარიბაშვილს, საქართველოს და ჩვენი მიქალაქეების ინტერესებიდან გამომდინარე გადადგომისკენ მოუწოდა, ვაშაძის აზრით პრემიერ-მინისტრის გადადგომა ხელს შეუწყობს დეპოლარიზაციას, დეოლირგაციზაციას და ეროვნული თანხმობის პროცესს:
“კარგი იქნება ღარიბაშვილმა თავი დაანებოს ციფრებით ჟონგლიორობას და კონკრეტული ნაბიჯები გადადგას იმ ეროვნული ამოცანის შესასრულებლად, რომელსაც საქართველოს ევროპაში ინტეგრაცია ჰქვია.
რაც შეეხება ციფრებს, მას არ უხსენებია მისი და „ქართული ოცნების“ მთავარი მიღწევა, რომ ქვეყანა რეფორმების ჩემპიონობიდან რეგიონის მაჩანჩალა სახელმწიფოდ იქცა.
სწორედ ამიტომ, ხალხი ახლა მისგან ელოდება არა პოზიტიური სტატისტიკური მონაცემებით მანიპულაციასა და კეკლუცს, არამედ გადადგომას, როგორც იმ მთავრობის ხელმძღვანელის პასუხისმგებლობას, რომელმაც ვერ უზრუნველყო საქართველოსთვის კანდიდატის სტატუსის მოპოვება და რომელიც არის აქციაზე შეკრებილი ასი ათასზე მეტი ადამიანის მოთხოვნა.
ბატონო ირაკლი, კიდევ ერთხელ მოგიწოდებთ, საქართველოს და მისი მოქალაქეების ინტერესებიდან გამომდინარე, თქვენ როგორც „ქართული ოცნების“ მთავრობის ხელმძღვანელმა, აიღოთ პასუხისმგებლობა, გადადგეთ და ხელი შეუწყოთ ეროვნული თანხმობის პროცესს, დეპოლარიზაციას, დეოლიგარქიზაციას, ძირითად ხელის შემშლელ ფაქტორებს საქართველოსთვის ევროკავშირის კანდიდატის სტატუსის მიღებისთვის”, – აცხადებს გიორგი ვაშაძე.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
