პარტია ,,ქართული ოცნების“ თავმჯდომარემ ირაკლი კობახიძემ მწვავე განცხადება გააკეთა შვედეთის ყოფილი პრემიერ-მინისტრის კარლ ბილდტის მიმართ და აცხადებს, რომ ის არის კორუმპირებული პოლიტიკოსი:
,,ნუ, კარლ ბილდტი აიჭრა იმიტომ, რომ ღარიბაშვილმა ზუსტად მიზანში მოარტყა. ეს არის ჩვეულებრივი კორუმპირებული კაცი, რაც დადასტურებულია დოკუმენტურად, რომელიც იყო ,,ნაცმოძრაობის“ ერთ-ერთი მთავარი ლობისტი და ქვეყნის დაზიანებაზე აკეთა ფული, წლების განმავლობაში.
,,ნაცმოძრაობა“, როდესაც ამყარებდა აქ სისხლიან რეჟიმს და აუპატიურებდა ადამიანებს და ა.შ. მაშინ ფულის სანაცვლოდ კარლ ბილდტი ლობირებდა ,,ნაცმოძრაობის“ სისხლიან რეჟიმს.
ბილდტი არის ყოფილი პოლიტიკოსი, რომელიც არის ერთი ჩვეულებრივი კორუმპირებული კაცი, რაც თქვა პრემიერმა ღარიბაშვილმა და ეს მიზანში მოხვდა ზუსტად კარლს.
კორუმპირებული კაცი, როცა სამარცხვინო რაღაცებს წერს, მას პასუხი უნდა გაეცეს.
რომ გვეომოვა ჩვენც მოგვცემდნენ, რა თქმა უნდა, კანდიდატის სტატუსს, მაგრამ მე მგონია, რომ ომს სჯობდა, რომ გვქონოდა ეს სტატუსი, რასაც გვაძლევენ“, – განაცხადა ირაკლი კობახიძემ.
ინფორმაციისთვის: შვედეთის ყოფილი პრემიერ-მინისტრი კარლ ბილდტი ტვიტერის ქსელში გამოქვეყნებულ ტვიტში საქართველოს პრემიერ-მინისტრ ღარიბაშვილთან მიმართებაში აცხადებს, რომ “ის ტრაგედიაა ძალიან კარგი ქვეყნისთვის“.
ავტორი
ნინი ხიჯაკაძე
