“ეს არის უმძიმესი რეზოლუცია საქართველოსთვის!” – გრიგოლ ვაშაძე

ოპოზიციონერი ლიდერი და საქართველოს პარლამენტის წევრი გრიგოლ ვაშაძე პოლიტიკურ შეფასებას აკეთებს ევროკავშირის მიერ მიღებულ კრიტიკულ რეზოლუციასთან დაკავშირებით საქართველოსთან მიმართებაში:

,,ეს არის უმძიმესი რეზოლუცია საქართველოსთვის! სახელმწიფო, რომელიც მთლიანად პოსტსაბჭოთა სივრცეზე ყოველთვის აღიქმებოდა ბრიუსელშიც, ვაშინგტონშიც, ბერლინშიც, როგორც რეფორმების ლოკომოტივი, აღმოჩნდა სრულ მაჩანჩალად.

ამის მიზეზის ძებნას თუ დავიწყებთ და მივყოფთ ხელს იმას, რაც ასე ძალიან უყვარს ქართულ პოლიტიკურ კლასს, ერთმანეთის დადანაშაულება – მაშინ გავიხსენოთ მთავარი პოსტულატი ევროპული პოლიტიკური ცხოვრების: ყველაზე დიდ პასუხისმგებლობას წარუმატებლობაში ყოველთვის პასუხს აგებს ხელისუფლება.

2 კვირა დარჩა იქამდე, სანამ მიიღებს ევროკომისია გადაწყვეტილებას. ამ 2 კვირის განმავლობაში საჭირო არის, რომ ჩვენი თანამდებობის პირები, რომლებიც ბრიუსელში ექსკურსიაზე დადიან – ჩაბრძანდნენ, გამოიკვლიონ, შეხვდნენ ევროპარლამენტარებს, დაელაპარაკნონ, გაარკვიონ ჩვენთან მიმართებაში ყველა პრეტენზია, თუმცა მშვენივრად ვიცით რა არის ეს პრეტენზიები!

ხოლო ვინც ამბობს, რომ კანდიდატის სტატუსს კანდიდატი სახელმწიფოსთვის არაფერი არ მოაქვს, ის ადამიანი კინწისყვრით უნდა გააგდოთ და არასოდეს არაფერი არ ჰკითხოთ”, – განაცხადა გრიგოლ ვაშაძემ.

ავტორი
ნინი ხიჯაკაძე