სასამართლო პროცესებთან და მის შესაძლო დაპატიმრებასთან დაკავშირებით, “ტვ პირველთან” კომენტარში პოლიტიკურ პოზიციას აფიქსირებს “სტრატეგია აღმაშენებლის” ლიდერი, გიორგი ვაშაძე:
“მე მზად ვარ პატიმრობისთვის იმიტომ, რომ ვიცით რა ბრძოლაში ვართ და დარწმუნებული ვარ იმაშიც, რომ ამ ბრძოლაში გავიმარჯვებთ.
ასე, რომ ნებისმიერი გადაწყვეტილება, რაც არ უნდა იყოს მიღებული, ჩვენ ამას შევხვდებით ღირსეულად იმიტომ, რომ პატიმრობა არის დროებითი, სამშობლო და ღირსება არის სამუდამო!
ერთიანობა და ერთიანობა, იმიტომ, რომ ძალა ერთობაშია! ჩვენ ერთიანობით გავიმარჯვებთ და თუ რამე დააჩქარებს ამ გამარჯვების პროცესს, ეს არის აბსოლუტური კონსოლიდაცია და ერთიანობა ერთი საერთო მიზნის გარშემო – საქართველო, რომელიც უნდა იყოს ძლიერი, გახდეს ევროკავშირის წევრი, იყოს თავისუფალი ადამიანების ქვეყანა და გავათავისუფლოთ ივანიშვილის რეჟიმისგან“, – განაცხადა გიორგი ვაშაძემ.
