პარლამენტის საპროცედურო საკითხთა და წესების კომიტეტის თავმჯდომარის პირველი მოადგილე გურამ მაჭარაშვილი მწვავე შეფასებას აძლევს სახალხო დამცველის მიერ მომზადებულ ანგარიშს ნიკა გვარამიას საქმესთან დაკავშირებით:
,,დღევანდელ პირობებში, როდესაც მთელი ქვეყანა ვართ მობილიზებული იმისთვის, რომ მოხდეს სტატუსის მინიჭება ქვეყნისათვის, სახალხო დამცველს რატომღაც მხოლოდ ერთი ან ორი პატიმარი ახსენდება.
მე კითხვა ერთხელ დავსვი და პასუხი ვერ მივიღე იმიტომ, რომ არ არსებობს. თუ არსებობს ისეთი პატიმარი, რომლის მდგომარეობაც ისეთ დეტალებში იცის სახალხო დამცველმა, როგორიც მაგალითად, იცის ამ შემთხვევაში მიხეილ სააკაშვილთან და ნიკა გვარამიასთან დაკავშირებით?!
ანუ გამოდის, რომ ამ შემთხვევაში, სამწუხაროდ, სახალხო დამცველი ირჩევს შერჩევით სახალხო დამცველობას და შერჩევითი ადამიანის უფლებების დაცვას.
ეს არის მისი პრობლემა. ამიტომაც აქვს მას ისეთი დაბალი რეიტინგი, როგორიც აქვს. დანარჩენს აღარ გავაგრძელებ. ახლა მთავარია, ყურადღება გავამახვილოთ იმაზე, რომ მთელი ჩვენი კონცენტრირება იყოს კანდიდატის სტატუსის მინიჭებისკენ, რისი იმედიც ჩვენ გვაქვს“, – განაცხადა გურამ მაჭარაშვილმა.
ავტორი
ნინი ხიჯაკაძე
