“რესპუბლიკური პარტიის” ეროვნული კომიტეტის წევრი დავით ბერძენიშვილი, საპარლამენტო უმრავლესობის ლიდერის, პარტია “ქართული ოცნების” თავმჯდომარის მიერ პარლამენტში სიტყვით გამოსვლისას მის მიმართ გაკეთებულ შეფასებებს ეხმაურება:
“პარლამენტში რაც ილაპარაკა დაახლოებით ვიცი. მოგმართავთ ჟურნალისტებს, მივმართავ საზოგადოებას – გადავცეთ ირაკლი კობახიძეს, გამობრძანდეს დარბაზიდან, დადგეს აქ და ვიდებატოთ საჯაროდ, პირდაპირ ეთერში, ყველა ტელევიზია, ვინც დაინტერესებულია, ამას ჩართავს. ერეკლე მეორეზეც, ევროკავშირის კანდიდატობაზეც, რომ საკუთარ პარტიულ ოჯახს – სოციალისტებს, საერთოდ არ ელაპარაკებიან, როცა ჩვენ ლიბერალებმა საქართველოს კანდიდატობის მიღების მხარდამჭერი რეზოლუცია მოვიპოვეთ. მობრძანდეს და ისტორიაშიც კიდევ ვინ რამდენი და როგორ იცის, მელაპარაკოს.
იმაზეც ვილაპარაკებთ მე და კობახიძე, თუ გამობრძანდება – იმდენი მაგას რა ვუთხრა მაგას მე. გამობრძანდეს აგერ პირდაპირ ეთერში, ვინ როგორ იცის ისტორია – ეს ერთი და მეორე – ჩემთვის კობახიძე, მდინარაძე, ესენი არიან მედროვე ადამიანები, რომლებიც პოლიტიკაში შემოვიდნენ მხოლოდ და მხოლოდ სახელისუფლებო პარტიით. არცერთი წინა ხელისუფლების მიმართ ერთი საპროტესტო სიტყვა არ დაცდენიათ.
ვარდების რევოლუციამდე ლევან ბერძენიშვილი ნიჰილიზმს თესავდაო, ანუ ბატონ კობახიძეს მიაჩნია და ამას საჯაროდ ლაპარაკობს – რაც უტვინობის, პოლიტიკური უმწიფარობის შედეგია, რომ 2003 წელი ცუდი იყო, ქართველი ერის იდენტობის საწინააღმდეგო ქმედებები იყო და ლევან ბერძენიშვილი იყო ამის იდეოლოგიო“, — განაცხადა დავით ბერძენიშვილმა.
