“გვინდა მხარდაჭერა გამოვუცხადოთ ხათუნა სამნიძესა და დავით ბერძენიშვილს” – “სტრატეგია აღმაშენებელი”

პოლიტიკური პარტია „სტრატეგია აღმაშენებელი“ „რესპუბლიკური პარტიის“ ლიდერებზე, ხათუნა სამნიძეზე და დავით ბერძენიშვილზე განხორციელებულ ფიზიკური და სიტყვიერი თავდასხმას ფაქტს გმობს.

როგორც განცხადებაშია აღნიშნული, მათ მიმართ მომხდარი თავდასხმა არის შემაშფოთებელი და ყოვლად მიუღებელი:

“გვინდა მხარდაჭერა გამოვუცხადოთ ხათუნა სამნიძესა და დავით ბერძენიშვილს.
მათ მიმართ მომხდარი თავდასხმა არის შემაშფოთებელი და ყოვლად მიუღებელი.
ეს იმ სიძულვილის ენის და ძალადობის დაუსჯელობის გამოხატულებაა, რასაც წლებია მიზანმიმართულად ნერგავდა “ქართული ოცნება”.

სამწუხაროა, რომ ეს გაგრძელდება მანამ ვიდრე ისეთი ხელისუფლება ჰყავს ქვეყანას, რომელიც არა თუ ებრძვის ძალადობას, არამედ ახალისებს მას” – ნათქვამია განცხადებაში.

ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს