საპარლამენტო უმრავლესობის წევრი ირაკლი ქადაგიშვილი ჟურნალისტებთან მწვავე განცხადებას აკეთებს ოპოზიციონერი ლიდერების კომენტარებზე საქართველოს ევროინტეგრაციის პროცესთან დაკავშირებით. მმართველი გუნდის ერთ-ერთი ლიდერი უკმაყოფილებას გამოხატავს ოპოზიციის მიერ ქვეყანაში მიმდინარე პროცესების მიმართ ნეგატიური შეფასებების გამო:
,,რატომ აკეთებს ახლა ოპოზიცია ამას? – აკეთებს იმიტომ, რომ ამას პირველ რიგში იყენებს ქვეყნის შიდა პოლიტიკური ბრძოლისათვის.
მათი მიზანი ამ შემთხვევაში რეალური რა არის, პირდაპირ უნდა ითქვას, რომ იქნებ რამენაირად ამ სტატუსის მიღება საქართველოს გაუჭირდეს, ან რაიმე შეფერხება მოხდეს, რომ ეს შიდა პოლიტიკური არეულობისა და ხელისუფლების საწინააღმდეგო ტალღის ასაგორებლად გამოიყენონ.
ეს არის მათი რეალური მიზანი. ისინი მზად არიან ამ მიზნისათვის სწორედ აკეთონ ასეთი განცხადებები.
რა თქმა უნდა, ეს არის უკიდურესად დამაზიანებელი, როდესაც ქვეყნის შიგნიდან ოპოზიცია ლაპარაკობს ასეთი ნარატივით”, – განაცხადა ირაკლი ქადაგიშვილმა.
ავტორი
ნინი ხიჯაკაძე
