“ბრალდება არის პოლიტიკური და გვარამია პოლიტიკური პატიმარია” – ლევან სამუშია

რუსთავის მე-12 დაწესებულებაში ,,მთავარი არხის“ დირექტორი ნიკა გვარამია მოინახულა ,,ლელოს“ წევრმა ლევან სამუშიამ. ოპოზიციონერმა ლიდერმა ჟურნალისტებთან კონკრეტული შეფასება გააკეთა გვარამიასთან მიმართებაში:

,,თვითონ არის ძალიან მხნედ, საბრძოლო განწყობაზე, იმედიანად. აინტერესებდა მიმდინარე სიტუაციები. ძალიან გულშემატკივრობს ქვეყნის ევროკავშირის წევრობის სტატუსის მიღებას.

მის მიმართ საქმეს დაწყებაც თავიდანვე იყო პოლიტიკური, ბუნებრივია, ნაყოფი ამის, რასაც განაჩენი ჰქვია – ეს არის პოლიტიკური.

აქედან გამომდინარე, რამე დასაბუთებულობაზე საუბარი – ზედმეტიც შეიძლება იყოს. იმიტომ, რომ გამორიცხულია.

ეს არის პოლიტიკური ბრალდება და პოლიტიკური პატიმარია გვარამია“, – განაცხადა ლევან სამუშიამ.

ავტორი
ნინი ხიჯაკაძე