საქართველოს პარლამენტის პირველი ვიცე-სპიკერი გიორგი ვოლსკი კომენტარს აკეთებს ევროპის სახალხო პარტიის (EPP) მიერ გავრცელებულ განცხადებასთან დაკავშირებით:
,,მე არ მგონია, თქვენ არ იცოდეთ, რომ ,,ნაციონალური მოძრაობა” და EPP – ეს არის ერთი პოლიტიკური ჯგუფი, ერთი გაერთიანება, ერთი მისწრაფებებით.
რასაკვირველია, რომ ტექტს არ წერს EPP, ტექტს წერს ,,ნაციონალური მოძრაობა”. EPP-მ შეიძლება კიდევ რაღაც ცოტა სიმწვავე დაამატოს ისევე, როგორც გასულ წლებში ჰქონდა.
მათ შორის 2015 წელს, როცა ინტენსიურად მიმდინარეობდა ვიზა ლიბერალიზაციაზე ევროკავშირთან საქართველოს მოლაპარაკება”, – განაცხადა გიორგი ვოლსკიმ.
ინფორმაციისთვის – ევროპის სახალხო პარტიამ (EPP) საქართველოსთან მიმართებაში გავრცელებულ განცხადებაში ქვეყანაში არსებულ პრობლემებზე გაამახვილა ყურადღება:
““ევროპის სახალხო პარტია” შეშფოთებით აკვირდება, ბოლო წლებში, საქართველოში დემოკრატიის უკან დახევის ტენდენციას. ქვეყნის არაფორმალურმა, ოლიგარქიულმა მმართველობამ კარგ მმართველობას ძირი გამოუთხარა და შედეგად გამოიწვია დემოკრატიული ინსტიტუტების მუდმივი რღვევა, კერძოდ, დამოუკიდებელ სასამართლოს, მედიის თავისუფლებას, პოლიტიკურად თანაბარ პირობებსა და თავისუფალ, სამართლიან არჩევნებს“, – ნათქვამია გავრცელებულ განცხადებაში.
ავტორი
ნინი ხიჯაკაძე
