“ანგარიშვალდებულება და პასუხისმგებლობა ხელისუფლებას აქვს არა ხალხის, არამედ არაფორმალური მმართველის წინაშე” – პაატა მანჯგალაძე

,,სტრატეგია აღმაშენებლის“ გენერალური მდივანი, პარლამენტის წევრი პაატა მანჯგალაძე პოლიტიკურ შეფასებას აკეთებს ევროპის სახალხო პარტიის (EPP) მიერ საქართველოსთან მიმართებაში გაკეთებულ განცხადებაზე:

,,ძალიან მძიმე განცხადებაა, თუმცა სიახლე არ არის.

ჩვენც ვსაუბრობთ ამაზე ქვეყნის შიგნით და ყოველდღიურად ვაწყდებით პრობლემას, რომ რეალური დემოკრატიის ნაცვლად ჩვენ გვაქვს არაფორმალური მმართველობა.

რაც ნიშნავს იმას, რომ ანგარიშვალდებულება და პასუხისმგებლობა ხელისუფლებას აქვს არა ხალხის წინაშე, არამედ არაფორმალური მმართველის და მმართველობის წინაშე“, – განაცხადა პაატა მანჯგალაძემ.

ინფორმაციისთვის – ევროპის სახალხო პარტიამ (EPP) საქართველოსთან მიმართებაში გავრცელებულ განცხადებაში ქვეყანაში არსებულ პრობლემებზე გაამახვილა ყურადღება:
““ევროპის სახალხო პარტია” შეშფოთებით აკვირდება, ბოლო წლებში, საქართველოში დემოკრატიის უკან დახევის ტენდენციას. ქვეყნის არაფორმალურმა, ოლიგარქიულმა მმართველობამ კარგ მმართველობას ძირი გამოუთხარა და შედეგად გამოიწვია დემოკრატიული ინსტიტუტების მუდმივი რღვევა, კერძოდ, დამოუკიდებელ სასამართლოს, მედიის თავისუფლებას, პოლიტიკურად თანაბარ პირობებსა და თავისუფალ, სამართლიან არჩევნებს“, – ნათქვამია გავრცელებულ განცხადებაში.

ავტორი
ნინი ხიჯაკაძე