“დღეს ნიკა გვარამია არის ივანიშვილის პირადი ტყვე” – სალომე სამადაშვილი

პარლამენტის წევრმა სალომე სამადაშვილმა დღეს საპატიმროში ,,მთავარი არხის“ გენერალური დირექტორი ნიკა გვარამია მოინახულა. მონახულების შემდეგ ოპოზიციონერი ლიდერი, ჟურნალისტებთან გაკეთებულ კომენტარში, აცხადებს, რომ ნიკა გვარამია არის პოლიტიკური პატიმარი:

,,ნიკა გვარამია არის პოლიტპატიმარი. ის არის დაპატიმრებული როგორც დამოუკიდებელი მედიის ლიდერი, როგორც ერთ-ერთი გამორჩეული მებრძოლი ჩვენი ქვეყნის ევროპული და დემოკრატიული მომავლისთვის.

ამიტომ ცხადია, რომ ჩვენ ყველაფერს გავაკეთებთ იმისთვის, რომ ეს უსამართლობა, რაც ჩაიდინა ივანიშვილმა მასთან მიმართებაში, რაც შეიძლება სწრაფად შეიცვალოს ეს რეალობა – დღეს ის არის ივანიშვილის პირადი ტყვე“, – განაცხადა სალომე სამადაშვილმა.

ავტორი
ნინი ხიჯაკაძე