საქართველოს პრემიერ-მინისტრი, ირაკლი ღარიბაშვილი, სოციალურ ქსელში პოსტს აქვეყნებს და საზოგადოებას ამცნობს, რომ მდინარე იორდანესთან, მაცხოვრის ნათლობის ადგილზე, საქართველოსთვის მიწის გადმოცემის შემდეგ, აღნიშნულ ადგილზე პატრიარქის კურთხევით ქართული კულტურის ცენტრი აშენდება:
“დღეს ისტორიული მოვლენის მომსწრენი გავხდით – მაცხოვრის ნათლობის ადგილზე, მდინარე იორდანესთან, საქართველოს მიწის ნაკვეთი გადმოეცა. 300 წლის შემდეგ საქართველო წმინდა მიწაზე დაბრუნდა!
პატრიარქის კურთხევით, აქ ქართული კულტურის ცენტრი აშენდება.
კიდევ ერთხელ მადლობა მინდა გადავუხადო იერუსალიმის პატრიარქ თეოფილუსს, იორდანიის არქიეპისკოპოსს ქრისტოფორუსს, განსაკუთრებული მადლობა მის უდიდებულესობა იორდანიის მეფე აბდალა მეორესა და მისი უმაღლესობა პრინც ღაზის მიღებული გადაწყვეტილებისთვის,” – წერს ფეისბუქის საკუთარ გვერდზე ირაკლი ღარიბაშვილი.
