ადვოკატი დიმიტრი საძაგლიშვილი აცხადებს, რომ გუშინ ღამით საქართველოს მე-3 პრეზიდენტმა, მიხეილ სააკაშვილმა გონება დაკარგა, თუმცა ამ ეტაპზე ნორმალურადაა, მაგრამ ჯანმრთელობის საერთო მდგომარეობა საკმაოდ მძიმეა:
,,მან გუშინ გვიან ღამით დაკარგა გონი. თუმცა, ექიმების დაუყოვნებლივი ჩარევის შედეგად, ეს პრობლემა აღმოიფხვრა, რისთვისაც დიდად მადლობელია სამედიცინო პერსონალის მიმართ, რომ მყისიერად იქნა სამედიცინო დახმარება აღმოჩენილი. წარმოდგენაც არ გვინდა, თუ რა შედეგი შეიძლება დამდგარიყო თუ კი ეს მოხდებოდა N12 პენიტენციურ დაწესებულებაში.
როგორც ჩანს, ეს იყო საერთო სისუსტით გამოწვეული გონის დაკარგვის მომენტი. დამატებითი დეტალი ჩემთვის არ არის ცნობილი და ნამდვილად არ ვიცი კონკრეტულად რა იყო გამომწვევი მიზეზი.
ახლა ნორმალურად არის იმ თვალსაზრისით, რომ ის სერიოზული პრობლემები, რაც აქვს ჯანმრთელობასთან დაკავშირებით არსად არ გამქრალა, ისევ იგივე მდგომარეობაშია. უბრალოდ ამ გონის დაკარგვის შემდეგ მისი მოყვანა გონზე მოხერხდა და არის ისე, როგორც მანამდე იყო – საკმაოდ რთული მდგომარეობა აქვს“, – განაცხადა დიმიტრი საძაგლიშვილმა.
ავტორი
ნინი ხიჯაკაძე
