“ივანიშვილის პირად პოლიტიკურ პატიმრებს შემატა კიდევ ერთი – ნიკა გვარამია” – შალვა ნათელაშვილი

“ლეიბორისტული პარტიის” თავმჯდომარე, სოციალურ ქსელში ნიკა გვარამიასთვის პატიმრობის მისჯას ეხმაურება:

“რუსულმა ოლიგარქიულმა დიქტატურამ საქართველოში მიიღო დასრულებული ფორმა. დააპატიმრეს ოპოზიციური მედიის ხელმძღვანელი. ივანიშვილის პირად პოლიტიკურ პატიმრებს შემატა კიდევ ერთი – ნიკა გვარამია.

იმედია ჩვენი დასავლეთელი მოკავშირეები ახლა მაინც დარწმუნდებიან, რომ ტირან ივანიშვილზე დაუყოვნებელი სანქციებია საჭირო და გადაწყვეტენ – ვისთან სურთ მოკავშირეობა ქართველ ხალხთან თუ პუტინ-ლუკაშენკოს მოკავშირე რეპრესიულ რეჟიმთან, რომელიც პუტინისავე მილიარდებით მსუყედ აფინანსებს თავის ვაი-ატლანტიკურ ლობისტებს.

P.S. იმედია ოპოზიცია ახლა მაინც დატოვებს პარლამენტს, ვინც თავს ასეთად თვლის რა თქმა უნდა“, – წერს ფეისბუქის პირად გვერდზე შალვა ნათელაშვილი.