“რესპუბლიკური პარტიის” ეროვნული კომიტეტის წევრი დავით ბერძენიშვილი სოციალურ ქსელში ეხმაურება სასამართლოს მიერ ტელეკომპანია “მთავარი არხის” გენერალური დირექტორის, ნიკა გვარამიასთვის პატიმრობის სასჯელის გამოტანას და ამ კონტექსტში ბიძინა ივანიშვილთან მიმართებაში კონკრეტულ ვარაუდებს გამოთქვამს:
“კითხვები მაქვს, თითქოს ვერსიების მაგვარიც.
ნიკა მძევლად აიყვანა დასავლეთის შიშით და მასთან სავაჭროდ? ამერიკელები ფულს ახევენ, უსაფრთხოება შეერყა და აყანყალდა/აკანკალდა?
თვეში/თვენახევარში ხომ ნამდვილად გამოჩნდება, რუსეთი კიევს აიღებს თუ მაინც უკრაინა განახორციელებს წარმატებულ კონტრშეტევას? და პუტინის გამარჯვების ილუზიას ეპოტინება მაინც?
აკვიატება კი იცის, იცოცხლე. ერთმანეთთან რაც დასაკავშირებელია, ხანდახან იმას ვერ აკავშირებდა და რაც არა, იქ კავშირს გამოიგონებდა ხოლმე. ექსპერტებს რომ ” ზრდიდა” მთელი წელი, მომდევნო წლებში იმ ექსპერტებს საზოგადოება რომ უნდა გამოეზარდა, ესეც გვახსოვს. ტელეწამყვანიც ხომ იყო.
ვერ ვწვდები მის უნარებს. ჩემთვის ის რაციონალური არ არის. აკვიატებულია და სულ უნდა და სულ ეჭვი ეპარება საკუთარ სიდიადეში, გენიალობაში. გაორებულია თვითშეფასებაში.
ნიკა ყოჩაღად იქნება. დასავლეთი უფრო უნდა შევაჯანჯღაროთ. პარლამენტშიც, მედიაშიც, არასამთავრობო სექტორშიც დასავლეთის მეტი დახმარება გვჭირდება.
ივანიშვილს ევროკავშირის კანდიდატობის ჩაგდება მოუნდა? ნატოს მიმართ ზურგით დგომაც უნდა? და ეს ყველაფერი მაშინ, როცა მთელი სკანდინავია ნატო ხდება და ძალიან შეღავათიანი და დაჩქარებული სვლა ევროკავშირისკენ უნდა შეაფერხოს კი არა და, ჩააგდოს?
გია ნოდიას ვეთანხმები – თითქოს მთლად ამდენი არ უნდა ქნას, მაგრამ შვება.
ისევ ფსიქიატრს და მოსამართლეს დავუტოვებ ბიძინას სასამართლოზე სადაოდ ამ კაცის ქმედუნარიანობის საკითხს.
მე კი მარტივად მგონია – დასავლეთი ამ ომს უკრაინაში მოიგებს და ჩეკისტურ რუსეთს წელში გადატეხავს. და ვინც უწესობასთან ერთად რეგვენიცაა და დანაშაულების კასკადს სჩადის, ვეცადოთ, არ გაგვეპაროს.
ნიკას მორიგეობის დრო მოვიდა. და ყველა პოლიტპატიმრის გასახარად და სახელით, როგორც ჩანს, მისი გათავისუფლებით აღინიშნება მაჯლაჯუნებზე გამარჯვება საქართველოში მაშინვე, როგორც კი დაამსხვრევს კიევის რუსი მოსკოვის ურდოს დასავლეთის ხელშეწყობით და პატრონაჟით“, – წერს ფეისბუქის პირად გვერდზე დავით ბერძენიშვილი.
