პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე მიხეილ სარჯველაძე ჟურნალისტებთან კომენტარში პოლიტკურ შეფასებას აკეთებს ,,მთავარი არხის“ გენერალურ დირექტორ ნიკა გვარამიასთან დაკავშირებით და აცხადებს, რომ დანაშაულის არსებობის შემთხვევაში პასუხისმგებლობა ეკისრება ყველას:
,,ბატონი გვარამიას მოღვაწეობა თავისი შინაარსით არის არა ჟურნალისტური, არამედ პოლიტიკური აქტიურობა. შესაბამისად, ეს პოლიტიკურ სენსიტიურობას განაპირობებს, მაგრამ სენსიტიურობა არ ნიშნავს იმას, რომ მოცემულ შემთხვევაში ვინმეს შეუძლია ხელაღებით ისაუბროს პოლიტკურ დევნაზე.
თუ დანაშაული არსებობს, მიუხედავად იმისა პოლიტიკოსია თუ ვინც არ უნდა იყოს – პასუხისმგებლობა, რა თქმა უნდა, ეკუთვნის ყველას.
როდესაც ვსაუბრობთ იმ არხებზე (ოპოზიციური არხები), რომლებზეც თქვენ საუბრობთ, იმათ სათავეში უდგათ ან რაღაცნაირად დაკავშირებულები არიან ადამიანებთან, რომლებიც არიან ,,ნაციონალური მოძრაობის“ ხელისუფლებასთან დაკავშირებული. სხვათა შორის, რომლის პერიოდში ამ სიმძმის დანაშაულისთვის შეიძლება გაციმბირება, ციმბირი უკან დაეტოვებინათ“, – განაცხადა მიხეილ სარჯველაძემ.
ავტორი
ნინი ხიჯაკაძე
