“ჩვენი რეკომენდაციით, მიზანშეწონილად მიგვაჩნია მიხეილ სააკაშვილის გერმანიაში ,,შარიტეს“ კლინიკაში გადაყვანა” – მარიამ ჯიშკარიანი

წამების მსხვერპლთა ფსიქოლოგიური რეაბილიტაციის ცენტრ ,,ემპათია“-ს დირექტორი მარიამ ჯიშკარიანი განცხადებას აკეთებს საქართველოს მე-3 პრეზიდენტის მიხეილ სააკაშვილის ჯანმრთელობის მძიმე მდგომარეობასთან დაკავშირებით:

,,7 თვის განმვალობაში ვერ მოხერხდა მისი ადეკვატური მკურნალობა და ვერც დიაგნოსტიკა. შესაბამისად, არც ახლა გვაქვს იმედი, რომ აწი მოხდება და საერთოდ ეს არ არის პრაგმატული, ალბათ, რომ ველოდოთ კიდევ 7 თვეს.

ჩვენი რეკომენდაციით მიზანშეწონილად მიგვაჩნია გერმანიაში ,,შარიტეს“ კლინიკაში გადაყვანა, ვინაიდან ეს არის მულტიპროფილური ცენტრი, სადაც შესაძლებელი იქნება მულტიპროფილური დიაგნოსტიკა და მკურნალობა. აუცილებელია, იქ გადაყვანა მიხეილ სააკაშვილის.

სამწუხაროდ, ექსპერტიზას არ აძლევენ უფლებას, კვლავ რომ ჩაიტაროს პაციენტმა. შესაბამისად, ჩვენ ვერ გავიზიარებთ ,,ქართული ოცნების“ შეხეულებებს იმასთან დაკავშირებით, რომ ეს არის მხოლოდ ემოციური და ფსიქიკური აშლილობა და სხვა არაფერი.

ხვალ არის სასამართლო დანიშნული და მოსამართლე იმედია გამოიტანს კანონიერ განკარგულებას. ვინაიდან მან წინა სასამართლო პროცესზე პრაქტიკულად დაარღვია პატიმრის უფლებები.

რაც შეეხება პენიტენციურ სამსახურს, ის კვლავ დუმს და იუსტიციის მინისტრიც მდუმარებაშია. შესაბამისად, კვლავ ირღვევა პატიმრის და პაციენტის უფლებები“, – განაცხადა მარიამ ჯიშკარიანმა.

ავტორი
ნინი ხიჯაკაძე